Milingkag ang dunggan sa kisami
Sa pagsalo sa mga hunahunang
Nanglagpot samtang ako naghigda
Sa nag-alingasa kong katre
Namati ang bungbong bungol
Sa yamyam sa kisaming amang
Siguro kong magpabiling sekreto
Sulod sa gamay kong kuwarto
Ang akong gihunahuna gisulti’g gibuhat
Gawas kon kanang nagdukang tiki
Sa may ngilit sa kisame
Mata ug dunggan ni San Pedro.
