Gikulit ang iyang ngalan
Sa koral sa mga tulunghaan
Sa mga lingkoranan sa simbahan
Sa plaza gibandilyo
Sa daghang kalingawang publiko
Apan kuripot sya mosweldo
Sa iyang mga empleyado
Mga timawa wa sya’y pagkabana
Iyang pagkatulog di matugaw
Sa mga silingang nagtuaw
Ang iyang bahandi nakab-ot
Sa iyang kusog ug paningkamot
Kay pobre iyang gigikanan
Mga tapulan ug kulang sa pagkugi
Sa mga kabus sya nakasulti
Apan moabot ra ang adlaw
Nga sya mahimong lilong manghahatag
Kon sa iyang lawas mga wati matagbaw
Ug mga gamut moabot na sa yuta
Nga tabunok sa lawas niyang nadugta.
