Tugsoy ang mga mais hingkod
Sa giuhawng uma nagtindog
Pusong piyasot maulawong nagsipit.
Nanghuy-ab ang mga liki sa yuta
Nga gilabaylabayan sa ugang huyuhoy
Sa singot sa kadahonan nagpanilap.
Sa nahubsang basakan kasikbit
Way timik ang mga baki
Lungag sa pilapil nagpahipi
Ang mga isdang pantat
Hagbay rang namakwit
Sa may tubig nga dapit
Sa payag si Butyok naghinuktok
Asa manghagdawg kwarta ipadala
Sa anak sa siudad nag-eskwela
