Si Paeng nga enumerator sa gipahigayong population census nadestino sa hilit nga baryo diin lagyo ang mga balay. Lapas nas udtong tutok ug gibati siyag kauhaw ug kagutom busa nalipay siyang nakaabot sa usa ka payag. Wala ang tagbalay apan misulod siya kay abirto ang pultahan. Sa abohan may kaldero nga bay bahaw busa nagkinamot siyang mikaon sa lutong mais. May gibitay nga tambok sa baboy tungod sa nag-aso pa nga baga. Gamit ang iyang dalang kutsilyo mihiwa siyag gisud-an sa bahaw. Miinom siya sa tubig gikan sa banga. Sa iyang paggawas, mao sab ang pag-abot sa tagbalay.
Paeng: “Maayong hapon ‘Yo. Pasayloa nga nangahas kog kaon sa imong bahaw kay gigutom ko kaayo. Ako sab giadlipan ang sinugbang baboy kay akong gisud-an. Nagbilin kog kwarta para bayad sa akong nakaon. Lami tong sinugba kay init pa.”
Tigulang: “Mao ba? Ako tong gigamit pagpakupos sa akong almoranas.”
