SAMA KANIMO KARON

Kon ako patay na ug gamayng lapida

Nagtimaan sa yutan-ong kong pahulayan

Ning hilit ug mingawng sam-ang

 May dan-ag sa nagtukawng mga bitoon

Taghoy sa langgam ug tuwittuwit sa gangis

Ang kanunayng huni nga madunggan

Hapuhap sa mabugnawng kamot sa huyuhoy 

Mahinangpong gipaabot sa mga kabulakan.

Sa imong pagduaw sa akong lubnganan

Di ko simhuton ang alimyon sa imong rosas

Bungol ako sa imong mga bakho

Buta ako sa masulub-on mong panagway

Amang ang akong baba

Bugnaw ang akong kasingkasing

Sama kanimo karon.