Si Misiong nga taga Valencia City, Bukidnon nagtrabaho didto sa Cagayan de Oro City. Mobiya siyas Valencia City hapon sa Domingo ug mouli buntag sa Sabado. Diha sa bus usa ka buntag sa iyang pagpauli iyang nakatapd ang batan-ong inahan nga may puya. Pag-abot sa Kisolon mihilak ang bata ug naglisod ang inahan sa pagpahilom.
Inahan: “Hilom ug totoy.”
Apan nagpadayon og hilak ang bata.
Inahan: “Hilom lagi ug totoy.”
Apan padayon ang paghilak sa bata.
Inahan (gihadlok ang bata): “Kon di ka mototoy, ipatotoy ko ning manoy.”
Pag-abot sa Malaybalay City mihilak na pod ang bata.
Inahan: Hilom lagi ug totoy. Kon di ka mototoy ipatotoy ko ning manoy.
Mao gihapon pag-abot sa Valencia City.
Pag-abot sa Maramag, gihadlok na sad sa inahan ang bata: “Kon di ka mototoy, ipatotoy ko ning manoy.”
Naglagot na si Misiong: “Pag-sure day ha! Milapas na baya kos Valencia.”
