Here is the spirit, in the heart of the land they loved; and
here we guard the record which they themselves made.
Charles Bean, Australian official war
correspondent and historian
Ang Australian War Memorial nga gibuksan niadtong 1941 gibahin sa lain-laing erya o galeriya. Daghang mga dokumento ug mga kagamitan sa giyera sulod sa museyo. Akong lagbitan ang pipila nga akong nakita ug nakuhaag hulagway.
Ang unang makita sa pagsulod sa “Orientation Gallery” mao ang steel boat gikan sa British transport ship HMT Ascot sa unang giyera sa kalibotan.
Sa “Commemorative Area” naglutaw sa “Pool of Reflection” ang “Eternal Flame”. Nahimutang usab dinhi ang “Hall of Memory and Tomb” sa wala mailhing Awstralyanong mga sundalo ug ang “Honor Roll” sa kapin sa 12,000 Awstralyanong nangamatay sa mga giyera.
Sa “First World War Area” nakadispli ang Robert Hatley-s watch, British 4.5 howitzer, British steel lifeboat, Winged Victory statue, mga diorama (dayorama), mga medalya ug uniporme sa sundalo.
Sa “Second World War Area” nakaeksibit ang Carley float sa HMAS Sydney, Sandakan death march, Changi quilt ug mga tanke ug armas. Adunay say lawak sa bomber command simulation.
Sa “Aircraft Hall” makita ang Curtis P-40E Kittyhawk, Hawker Sea Fury, Mosquito (eroplano nga hinimo sa playwod ug balsa wood) ug North American P-51D Mustang.
Sa “Anzac Hall” makita ang mga abyon sa panahon sa unang giyera sa kalibotan, Japanese midget submarine ug Morhead’s Caravan (usa ka Chevrolet 3-ton truck nga gigamit ni General Leslie Morhead).
Sa “Colonnial Period Area” nakaeksibit ang 1st Australian Horse slouch hat, Armstrong RBL 12-pounder gun ug ang usa ka lata sa tsokolate nga gipangregalo ni Queen Victoria sa mga sundalo.
Ang “Hall of Valour” nagpasidungog niadtong mga Awstralyanong nakadawat sa Victoria Cross o George Cross, ang pinakataas nga ganti niadtong nagpakita og talagsaong kaisog.
Sa “Conflicts 1945 to today” (naglakip sa giyera sa Korea, Malaya, South Vietnam, Iraq ug Afghanistan) nakaeksibit ang Iroquois helicopter, HMAS Brisbane bridge, Private Donovan’s uniform ug mga dayorama.
Kapin sa130,000 ka mga estudyane ang mosulod matag tuig sa “Discovery Zone” apan wala ko makasulod didto kay nahurot na ang tunga sa adlaw namong pagbisita sa Australian War Memorial.
Sa “Memorial Grounds” nahimutang ang duha ka centurion tanks, HMAS Brisbane bridge and gun ug 9.2 inch howitzer ug ang estatuwa nila ni Sir Edward Dunlop ug John Simpson Kirpatrick (uban sa iyang asno).
